Verklaring deur die HNP rakende 22 Maart se terroriste-aanval in Londen

Mediaverklaring

Terroriste-aanval in Londen

Terroriste-aanvalle op onskuldige mense kan nie goedgepraat word nie. Daarom veroordeel die HNP ook die aanval in Londen.

Dit is egter noodsaaklik om die geskiedenis en gebeure in Suid-Afrika in herinnering te roep en die saak van terroristedade en-aanvalle in perspektief te stel.

Continue reading Verklaring deur die HNP rakende 22 Maart se terroriste-aanval in Londen

Mediaverklaring deur mnr Andries Breytenbach, leier van die HNP, asook voorsitter van die Boere-Afrikaner Volksraad, rakende die afgelope week se debat in die parlement oor plaasmoorde

 

‘n NUWE KONSTITUSIONELE BEDELING

As enigiemand nog getwyfel het oor die ANC-regering se houding oor plaasaanvalle en die moorde op boere, het verlede week (14 Mrt) se debat in die parlement alle onsekerheid daaroor uit die weg geruim.

Die uitlatings van ANC-parlementslede dat nog meer boere doodgemaak en dat boere lewendig begrawe moet word, weerspieël die gesindheid wat in daardie geledere heers. As verteenwoordigers van die regerende party nie skroom om sulke verregaande dinge in die openbaar te sê nie, verg dit geen verbeelding om te raai wat hulle onder mekaar sê waar die openbare oor hulle nie hoor nie. Dié gesindheid verklaar die politieke onwil van die ANC-regering om daadkragtig op te tree ten einde hierdie aanvalle hok te slaan.

Continue reading Mediaverklaring deur mnr Andries Breytenbach, leier van die HNP, asook voorsitter van die Boere-Afrikaner Volksraad, rakende die afgelope week se debat in die parlement oor plaasmoorde

Vooruitsigte op kredietafgradering

Suid-Afrika se ekonomie was die afgelope paar maande bedreig met ʼn krediet afgradering wat teen die einde van 2016 sou plaasvind. Dit het gelukkig nie gebeur nie en die ekonomie het dit net-net vrygespring.

Die huidige minister van finansies van die ANC-bewind, Pravin Gordhan, het ʼn sleutelrol gespeel in die reddingspoging. Die vraag kan gevra word of die ontsnapping slegs tydelik is?

Voordat daar na die land se ekonomiese toestand gekyk word, is dit belangrik om die voordeel van ʼn goeie kredietgradering uit te wys en daar is veral twee belangrike redes.

Eerstens moedig ʼn goeie kredietgradering buitelandse beleggings aan wat belangrik is vir die land se ekonomiese groei, want ʼn goeie kredietgradering skep beleggingsvertroue.

Die tweede rede is dat geld wat geleen word, goedkoper is, net soos wat ʼn bank die finansiering van ʼn lener wat ʼn hoë risiko inhou met ʼn hoër rentekoers sal belas.

Die vraag kan nou gevra word: “Hoe lyk die land se ekonomiese vooruitsigte en kan ʼn afwaartse kredietgradering deur die internasionale kredietagentskappe verwag word?”.

Om die vraag te kan beantwoord, moet daar na die afgelope jare, asook na die vooruitsigte gekyk word. Hou in gedagte dat ʼn land se ekonomiese tendens belangrik is omdat ʼn land se ekonomie stadig van rigting verander weens die omvang daarvan. In die bespreking sal daar gekyk word na die ekonomiese groeikoers, die betalingsbalans wat die internasionale handelsurplus en -tekort aandui, vreemde valuta met handelreserwes wat gehou word, die bruto buitelandse produk wat die land se produksie-uitset aandui en die invloei van buitelandse beleggings wat die vertroue van buitelanders aandui om in die land te belê en wat nodig is om internasionale handelstekorte, binnelandse investering en ekonomiese groei te ondersteun.

Ekonomiese groeikoers
Die jaarlikse ekonomiese groeikoers was sedert 2014 soos volg:

Januarie 2014 2.9%     Januarie 2015 1.5%      Januarie 2016 0.5%     Januarie 2017 0.5%?

Ten einde die land se groeiende bevolking van werk te voorsien en werkloosheid, wat tans op meer as 27% staan, te verlig, is ʼn konstante groeikoers van minstens 4% per jaar noodsaaklik. Die ekonomie is dus al vir jare besig om onder te presteer met die afgelope twee jaar die swakste.

Die belangrikheid van die Gelofte vir 2017 se diefstal-jaar

As gekyk word na wat reeds in die eerste maand van die nuwe jaar gebeur het, en waarmee gedreig word, is dit duidelik dat die Afrikaner weer sal gaan moet put uit sy geskiedenis, waarin die Goddelike ingryping tydens die slag van Bloedrivier ‘n hoogtepunt is.

Die Afrikaner moet nie gaan spog met daardie gebeurenie, alhoewel hy dit in die gees van die Gelofte met nederigheid moet bly herdenk. Maar die Afrikaner sal in die steeds moeiliker wordende tye weer meer tot die besef moet kom dat sonder die hulp en uiteindelike ingryping van ons Hemelse Vader, daar dalk werklik geen toekoms meer sal wees nie.

Geloftedag herinner ons jaarliks daaraan dat ons ‘n Hemelse Vader het, wat die volk wat hy hier laat ontstaan en in stand gehou het, nie in die steek sal laat nie. Die Britse Empaaier kon nie die Afrikaner vernietig nie, die griep van 1918, die depressie of verraaiers en oorgeërs kon dit nie regkry nie. So sal ook die helmagte van die ANC dit nie regkry nie, omdat die Afrikaner nog altyd sy skuiling en sy redding by sy Skepper gaan soek het.

Dit is dan die verskil tussen ons en die ANC: ons soek werklik ons heil by God, terwyl Jacob Zuma net kerkbesoek doen as hy stemme wil werf, en net Christus by sy argument betrek as hy dit wil gebruik om die stigting van die ANC godslasterlik daarmee te vergelyk.

Ons het daardie Krag nodig vir die nabye toekoms, want dit is duidelik dat die ANC die jaar 2017 wil gebruik om alles wat die Afrikaner opgebou het, flagrant en brutaal te steel.

Die ANC se staatshoof, Jacob Zuma, het dit ondubbelsinnig uitgespel dat hy hierdie jaar grondonteienings wil toepas. Dus, hy wil blanke grond steel om dit te oorhandig aan mense wat tot dusver bewys het dat hulle geen wil of vermoë het om iets sinvols daarmee te doen nie.

By dieselfde geleentheid tydens die ANC se verjaardagviering, het hy gesê dat die ekonomiese transformasie versnel moet word sodat Swartes meer in die ekonomie betrokke kan raak, sodat hulle ook op bestuursvlak meer prominent sal wees. Dus wil hy blanke ekonomiese bates, waarvoor oor jare, dekades en selfs eeue hard gewerk is, steel om dit te gee aan mense wat nog geen wil of vermoë geopenbaar het om sinvol daar betrokke te raak nie.

Die ANC se jeugliga-voormannetjie het geëis dat Zuma se opvolger as leier van die ANC die volgende fase van die rewolusie moet lei.

Die vraag kan dus met reg gevra word: watter deel van die rewolusie is nog nie voltooi nie?

Die kulturele rewolusie is reeds in volle gang vanaf 1994: Afrikaans se status is verlaag; Afrikaanse universiteite en skole is deur middel van die misleidende dubbelmedium-aansprake onder ons uit gekaap; plek- en straatname is verander; sommige beelde is verwyder en museums met ons geskiedenis bestaan nie meer nie; ander monumente en beelde word gevandaliseer met eise dat dit verwyder of vernietig moet word.

Die grondrewolusie is volstoom aan die gang, met grondeise wat al van 1994 ons eiendomsreg bedreig, en ‘n nuwe wet wat diefstal van ons grond gaan wettig.

Die ekonomiese rewolusie is aan die gang met euwels soos “affirmative action” wat ons werksgeleenthede van ons steel, swart bevoordeling onder die mooiklinkende “swart ekonomiese bemagtiging” wat geleidelik ons aandeelhouerskap van ons eie ondernemings onder ons uit steel, en eise en beloftes dat hierdie rewolusie van diefstal versnel gaan word.

Die fisiese rewolusie is al aan die gang, met plaasmoorde en moorde op Blankes in stedelike gebiede wat al alledaags geword het sedert FW de Klerk die ANC en sy kommunistiese maatjies ontban het en terroriste op ons strate vrygelaat het, en ons mense se reg om te lewe, word daagliks gesteel deur die wreedste denkende moorde.

Ons reg om ons mening te lug, staan op die punt om van ons gesteel te word deur wetgewing wat enige vorm van kritiek sal klassifiseer as haatspraak, diskriminasie of rassisme, en waarvoor ons vryheid dan van ons gesteel gaan word deur stewige tronkstrawwe vir diegene wat dit sou waag om hulle mond oop te maak.

Volledige kommentaar in Die Afrikaner

Die Afrikaner tydskrif vir ingeligte mense

Die Afrikaner is ‘n volksnasionalistiese twee maandelikse tydskrif, wat onbeskaamd die vryheidsideaal van die Boere- of Afrikanervolk uitdra. Dié Tydskrif bestaan reeds van 1970 af en is sedertdien die enigste stem vir die behoud van ons volkswaardes, ons Christelike waardes en tradisies, ons volkskultuur en in die laaste jare die stem van ‘n vrye Boere-Afrikanervolk.
Hierdie Tydskrif moet dringend en vinnig uitgebou word as enigste teenvoeter vir die propaganda van die fiktiewe en onwerkbare “reënboognasie”.
Intekening kan geskied deur ‘n e-pos te stuur aan admin@hnp.org.za of te skakel na 012 543 2332 . Beveel die tydskrif aan by u vriende asb

Grondroof ‘n daad van oorlog

Andries Breytenbach

27 Februarie 2017.

Wanneer ‘n staat of volk ‘n ander volk se grondgebied vir homself toe-eien, lei  dit noodwendig tot oorlog. Sedert die vroegste tye was dit dié aanvaarde reg van volkere om hul gebiedsintegriteit teen sulke vergrype te verdedig, soos Brittanje byvoorbeeld in 1982 gedoen het toe Argentinië die Falkland-eilande beset het.

Eweneens is daar baie voorbeelde in die geskiedenis van derde partye wat ingetree het om die territoriale integriteit van kleiner volke te beskerm teen state en regerings wat hul meerdere mag misbruik het om ander te beroof.  ‘n Onlangse  voorbeeld is die VSA-geleide Golf-oorlog van 1990-1991 teen Irak toe laasgenoemde Kuweit geannekseer het.
Die Boere-Afrikanervolk het die grondgebied wat hy besit, regmatig verkry. Die feite hieroor is al verskeie kere nagevors in die goed gedokumenteerde geskiedenis van landbesetting en grondbesit in Suid-Afrika, en kan maklik nagegaan word.

Desnieteenstaande  het die ANC herhaaldelik beweer dat die grond wat ons besit, van die swartmense gesteel is. (In hierdie verband is ‘n klag van haatspraak op 21 Januarie 2016 teen die president van Suid-Afrika by die Suid-Afrikaanse Menseregtekommissie gelê, nadat hy dit in die openbaar gesê het. Die president is uitgedaag om sy bewering te bewys en te verklaar waarom hy die opgetekende geskiedenis van landbesetting ignoreer of verwerp. Die Kommissie het egter die klag in die sand laat verloop en seker gemaak dat daar tot op hede niks van gekom het nie).

Die ANC se reaksie op die uitdaging om sy ongegronde leuen te bewys, was onder andere ‘n verklaring op 13 Februarie 2017 deur die Adjunkminister van Staatsdiens en Administrasie, me. Ayanda Dlodlo, dat “The ANC should use its majority in the ­government to push for the expropriation of land without compensation, because it was ‘stolen in the first place’”.

“The burden of land ownership should never be ours. Those who today claim ownership must prove that land was actually paid for in the 17th and 18th centuries,” het sy gesê.
Dié denkbeeld is deur historikus prof.  Jabulani Maphalala herhaal toe hy gesê het dat “blacks had been dispossessed of their land since as far back as the arrival of whites in the country.”

Die benadering is blykbaar dat as ’n leuen net lank en dikwels genoeg herhaal word, word dit ‘n aanvaarde “feit” wat nie bewys hoef te word nie.

Ons verklaar:

Continue reading Grondroof ‘n daad van oorlog

ZUMA SE VOLKSMOORD-OPDRAG WORD UITGEVOER

Andries Breytenbach – HNP Leier en voorsitter van die Boere-Afrikaner Volksraad

1.    GESAMENTLIKE MEDIA-VERKLARING DEUR:

1.1 DIE BOERE-AFRIKANER VOLKSRAAD

1.2 DIE AFRIKANER WEERSTANDSBEWEGING (AWB)

1.3 DIE HERSTIGTE NASIONALE PARTY (HNP) EN

1.4 DIE VERKENNERSBEWEGING VAN SUID-AFRIKA

1.5 DIE VOLKSRAAD VERKIESING KOMMISSIE (VVK)

In die eerste 14 dae van Februarie 2017 is 11 Boere-Afrikaner mans, vroue en bejaardes op plase grusaam vermoor – afgesien van verdere bloedvergieting wat in dorpe en stede veral teen ons weerloses, insluitende gestremdes, gepleeg is. Dit beteken ‘n merkbare toename teenoor vroeëre statistiek.

Natuurlik skitter die Regering van Jacob Zuma in sy afwesigheid met enige reaksie; as ‘n stilswyende goedkeuring dat ons mense erger as diere afgemaai word. Zuma homself het immers al die kreet aangehef: “We are going to shoot them…they are going to run…You are a Boer…Shoot the Boer…the Cabinet will shoot them…”. Zuma se onderdane is besig om sy voornemens uit te voer. Hierdie is nie bloot “misdaad” nie. Daar word ‘n eenrigting-oorlog teen ons gevoer.

Die Boere-Afrikaner Volksraad het reeds ons onwrikbare eis vir onafhanklikheid in ‘n eie vaderland direk aan die Regering gekommunikeer. Die internasionale gemeenskap het tyd tot 31 Mei 2017 om in die dispuut te bemiddel. Gebeur dit nie, sal ons mense tot dringende volksvergaderings opgeroep word om oor die pad vorentoe te besluit. Intussen moet volksgenote dringend registreer by die VVK as kieser om daardie volksdemokratiese besluit te help neem, en toetree tot die geledere van volksorganisasies soos die AWB, HNP en die Verkennersbeweging. Ons toekoms sal bepaal word in 2017!        

Geteken: Andries Breytenbach (Voorsitter, Boere-Afrikaner Volksraad en Leier van die HNP).

Steyn van Rönge (Leier: AWB).

Alwyn de Klerk (President: Verkennersbeweging van SA)

17 Februarie 2017

Mediaverklaring deur mnr Andries Breytenbach, leier van die HNP na aanleiding van FW de Klerk se toespraak

Meneer De Klerk,

Nou toe nou! Jy wat met groot bravade beduie het hoe jy Suid-Afrika onomkeerbaar gaan verander, skrik nou vir jou eie mismaaksel, noudat jy die gevolge daarvan sien en agterkom dat jou eie politieke heksebrousel  onomkeerbaar is.

Continue reading Mediaverklaring deur mnr Andries Breytenbach, leier van die HNP na aanleiding van FW de Klerk se toespraak

Is die Protes oor? Hervorming 500

Groot verwagtinge
Soos die 500 jaar herdenking van die Protestantse Hervorming (31ste Oktober 2017) nader, poog Pous Franciscus van die Rooms-Katolieke Kerk om alle Christelike kerke te verenig. Die pous beweer dat ‘die protes oor is’ en dit het ‘n leser van Protestantse Reveille, Lenore Faddell van Kaapstad, aangespoor om te vra: “Wat sê Protestante hiervan? Stem hulle saam?” Lenore verwys ook na die gemeenskaplike verklaring oor die regverdigingsleer wat deur die Vatikaan en die Lutherse Wêreldfederasie geteken was op 31 Oktober 1999, lank voor Franciscus se verkiesing in Maart 2013, wat Pous Benedictus XVI se bedanking op 28 Februarie 2013 gevolg het. Wat betekenisvol is, is dat The Reformer, die amptelike publikasie van die Protestant Alliance (VK) onlangs die hoofberig gehad het: ‘Is die Hervorming oor? Franciscus berei hom voor om te verklaar dat  dit is!’

Onder weg na Rome
Daar is ‘n gevoel van verwagting in die Vatikaan, en dit word weerspieël in sekere Protestante se reaksies. ‘n Hoofspeler in die aansporing van die sogenaamde versoening was wyle Tony Palmer, ‘n pastoor met ‘n Anglikaanse oorsprong wat in Engeland gebore is en in Suid-Afrika grootgeword het. By ‘n vergadering om hierdie saak aan te voer met mense soos die welvaart evangelie van gesondheid en rykdom apostel, Kenneth Copeland, het Palmer beweer dat hy hulle aangespreek het ‘in die gees van Elia’ en dat ‘Luther se protes oor was’.

Op die plaaslike front, het die Oktober 2014-uitgawe van
JOY! tydskrif ‘n sterk ‘Boodskap van Pous Franciscus aan Alle Weergebore Christene’ gehad. Die poging om ‘eenheid’ te bevorder, is in ‘n positewe lig gesien. ‘n Mens het die indruk gekry dat die tydskrif kritiese reaksie op sy naïwiteit skynheilig afgeskud het; maar wat treffend is, is dat dit nie hierdie artikel (sover soos dit vasgestel kan word) in sy Afrikaanse weergawe JUIG! ingesluit het nie.

Binne die gereformeerde kerke, egter, skryf Adrio König,
Professor Emeritus in sistematiese teologie aan die Universiteit van Suid-Afrika (UNISA), soos volg: “Is dit nie ‘n kenmerkende en verblydende ding dat die Rooms-Katolieke en Protestantse eksegete van die Nuwe Testament tot merkwaardig soortgelyke gevolgtrekkinge gekom het in verband met die Skrif wat praat van regverdiging deur geloof, terwyl met die Hervorming, dit een van die mees kontroversiële en verdelende onderwerpe was? Daardie tyd was die twee groepe radikaal teen mekaar. Die Hervormers het dade (werke) van die hele gebied van regverdiging radikaal uitgesluit (en het gehandhaaf dat ‘n mens nie voor God deur dade geregverdig word nie) terwyl dit gelyk het asof Rome op een of ander manier dade wou insluit. Vandag, as gevolg van nuwe navorsing en in die besonder weens werk wat saam gedoen is, is ‘n punt bereik waar dit moontlik is om oor hierdie saak saam te stem.” (STH 101 GUIDE, UNISA, bl 25.)

Eenheid roep – die Protestantse
Bybelse antwoord:
Die moderne teoloe betoog dat die ‘gees van die eeu’ min tyd het vir godsdienstige omstredenheid, net soos Gallio van ouds in verband met die ‘geredekawel oor woorde en name’, en verwys dan na Handelinge 18: 15.

Sulke kwessies word te maklik afgewys as kleinlik;
maar dit is noodsaaklik dat die Bybel nie weggestoot
word in belang van opportunisme en politieke korrektheid nie.

Volledige artikel in Die Afrikaner

16 Januarie 2017