Nuwejaarsboodskap vir 2017

Aan die vooraand van elke jaarwisseling is daar die verwagting dat die nuwe jaar beter sal wees as die een wat verby is.

2016 is afgesluit met die publikasie van die Boere-Afrikanervolksraad se uitnodiging aan die internasionale gemeenskap om as bemiddelaar toe te tree tot die dispuut met die ANC-regering oor territoriale selfbeskikking vir ons volk. Gegewe die tradisionele vyandigheid van die internasionale wêreld teen ons volk en die rol wat hulle gespeel het om Suid-Afrika tot oorgawe aan ‘n swart regering te dwing, is daar geen rede tot optimisme dat enige moontheid of instansie positief daarop sal reageer nie.

Wat 2017 en die toekoms verder vir ons volk inhou, weet ons nie. Sover dit die politieke omstandighede in Suid-Afrika aangaan, is daar geen rede gee om optimisties te wees dat dit beter daaraan sal toegaan as in 2016 en die voorafgaande jare nie. Ons moet die werklikheid in die oë sien dat ons land in die greep van ‘n misdadige en onbevoegde swart regering verkeer wat desperaat is om die politieke mag te behou en teen die witman — en in besonder die Boere-Afrikanervolk — te misbruik.

In dié omstandighede moet ons verby die neerdrukkende dinge kyk en ons oë ophef na God van Wie ons ons hulp verwag, en bedink dat Hy dikwels in ons geskiedenis uitkoms gegee het wanneer die nood op sy hoogste was.

In die nuwe jaar sal ons ons die grootse gebeurtenis herdenk wat hom 500 jaar tevore afgespeel het, toe Martin Luther die Protestantse reformasie met sy 95 stellings teen die kerkdeur van Wittenberg ingelui het.  Dit het ‘n ontsaglike omwenteling in Europa, waar ons volk se fisiese en geestelike wortels is, teweeggebring. Die vrugte daarvan het saam met Van Riebeeck na Suid-Afrika gekom, waar die blanke beskawing geplant is. In die nuwe jaar sal ons die geleentheid gebruik om opnuut geloof en geesteskrag te put uit die suiwer verstaan en vertolking van die Woord van God soos dit tydens die Reformasie uitgekristalliseer het. Ons, kinders van die Voortrekkers en die Boere, sal in 2017 voortbou op die fondament waarop hulle gebou en die gelofte van 1838 afgelê het.

In Amerika neem mnr. Donald Trump eersdaags die leisels oor. Sy verkiesing tot president van die VSA was ‘n ernstige terugslag vir die linkses en liberaliste, wat ‘n nuwe wêreldorde daar wil stel. Ons wil die hoop uitspreek dat sy regering ‘n nuwe gees van nasionalisme en terugkeer na behoudende en Christelike norme in die wêreld tot gevolg sal hê, want sou dit gebeur, sal dit ook ons volk en ons strewe na die herwinning van ons vryheid, ten goede kom.

Ons volk moet egter nie ons hoop op die buiteland vestig nie. Ons sal self ons toekoms opnuut hier moet uitwerk — ‘n toekoms buite die veelrassige sekulêre bestel waarin ons sedert 1994 vasgevang is. Totdat die bestemde tyd vir ons vrywording aanbreek, moet ons trou bly aan ons erfenis as ‘n Christen-Blanke-Afrikanervolk met alles wat dit inhou. Dit verg toenemend inspanning en stryd. Laat ons die nuwe jaar blymoedig ingaan en onsself geestelik en fisies staal om die aanslae en moorde op ons te weerstaan, en geleenthede wat onvoorsiens mag opduik, te benut.

Inmiddels gaan ons harte uit na ons boere wat deur die droogte in dele van ons land geknel en verarm is. Ons bede is dat daar in die nuwe jaar reën sal val om vir hulle uitkoms en nuwe vooruitsigte in hul daaglikse bestaan te bring.

Eweneens doen ons voorbidding vir ons volksgenote in die gevangenis. Mag die gebeure in ons land so ‘n wending neem dat dat dit spoedig tot hulle vrylating sal lei.

Ek wens u almal ‘n geseënde 2017 toe.

Andries Breytenbach

31 Desember 2016

One thought on “Nuwejaarsboodskap vir 2017”

  1. Een gedachte kronkel over:

    “Aan die vooraand van elke jaarwisseling is daar die verwagting dat die nuwe jaar beter sal wees as die een wat verby is.”

    Wanneer is het goed? Wanneer zijn wij tevreden?

    Hoe zou het zijn om een doelstelling van tevredenheid te stellen?
    En eens overdenken wat hebben wij in het afgelopen jaar bereikt!

    Voor de eene die denkt heden aan de 500 jaar na datum, of bij iemand anders kan 2043 als na 500 jarig hoogte punt zijn.

    Alles is relatief, wat is beter dan relatief?

    Een goed nieuwjaar aan jullie allen, en vreedzame discusies zijn gewenst!

Comments are closed.